بلوچ راج 28 جولائی نا دے گودار ئٹ سرمریر و جہان ئے کلہو تیر کہ نن زندہ و خوددار ءُ راج ئسے اُن۔
بلوچ راہشون ڈاکٹر ماہرنگ بلوچ پارے کہ تیوہ بلوچ راج 28 جولائی نا دے تینا اُرا تیان، تینا ہند آ تیان پیشتمِہ گوادر آ سرمرے و تیوہ جہان ئے دا کلہو تے کہ او اَسہ اعتزاز و زندہ ءُ راج ئسے، باوقار و خوددار او راج ئسے۔
او پارے کہ نہ بلوچ بے وارث ءِ نہ بلوچ سرزمین۔ تینا راج و تینا سرزمین نا رکھ کن مزاحمت زندہ اسک، مزاحمت زندہ ءِ و مزاحمت زندہ مرو۔
بلوچ یکجہتی کمیٹی کوئٹہ نا نیمہ آن سریاب، ہدہ و بی وائی سی نوشکی نا نیمہ آن کلی قادر آباد ئٹی کارنر میٹنگ اڈ تننگا، ہراٹی 28 جولائی آ گوادر ئٹی مروکا ” بلوچ راجی مچی“ نا بابت ئٹ چاہنداری تننگا۔
بی وائی سی نا راہشون صبغت اللہ شاہ جی پارے کہ بلوچ راجی مچی ہر وڑ ئنا تنظیمی، تحریکی انجمن و پارٹی آن بالاتر مرِسہ کُل بلوچ آک ہراکہ زند ئنا ہر طبقہ آن تعلقداری تخیرہ اولیکو وار بیرہ بلوچ مرِسہ اواری نا درشانی کرور کہ نن کُل بلوچ اُن و ہراوختسکان سیوتی و اوڑدئی کن راج ئے توار کننگ و نن اِسہ راج ئس مرِسہ جہان ئے اوار نشان ایتون۔
