بلوچ آجوئی دوست سِلابند تنظیم آتا اواری بلوچ راجی آجوئی سنگر (براس) نا جارکش بلوچ خان تینا شنگ کروکا درشان ئٹی پارینے کہ کوزہ گیر پاکستانی فوج ئنا پِن ئنا آپریشن ‘عزم استحکام’ نا پڑو بلوچ ئے خلّنگ نا برجا آ چرجوئی ٹی سوگوی ہتنگ نا پڑو ئسے۔ براس نا اوارا تنظیم آک ہر وڑ ئنا فوجی زوراکی نا برخلاف تینا راج و وطن نا جْوانی ئٹ رکھ ئے کرور و کوزہ گیرا فوج ئتو جنگ ترور۔
جارکش مُستی پارے کہ بلوچستان ٹی فوجی لشکرکشی پوسکنو ہیت ئس اف کوزہ گیر پاکستانی فوج نوزدہ سد ءُ چِھل ءُ ہشت آن بلوچستان ٹی فوجی لشکرکشی کننگ ئٹی اے، و بلوچ ئے خلّنگ ئٹی اے۔ ہرانا مکست بلوچ وطن آ پاکستانی کوزہ ئے سوگوی چوئی اے۔ ہندا فوجی لشکرکشی نا برخلاف بلوچ مخلوق تینا راج و وطن نا رکھ ئکن و آجوئی کن سِلابند جہد کننگ ئٹی اے۔ کوزہ گیر پاکستانی فوج ہرا فوجی لشکرکشی ئے آپریشن نا پِن تننگ ئٹی اے او کوزہ و بلوچ ئے خلّنگ ائے۔ ہمرکہ بلوچ سرمچاراک سال آتان راج و وطن نا رکھ ئکن کوزہ گیر فوج ئتو جنگ کننگ ئٹی ءُ ہندا وڑئٹ براس نا اوارا تنظیم آک تینا جہد ئٹی پین سوگوی ہتسہ آپریشن ‘عزم استحکام’ نا برخلاف تینا راج ئے رکھ کرور۔
بلوچ خان مُستی پارے کہ بلوچ سرمچاراتا سرسوبا جُلہو و تینا رکھ آن بلوچستان ٹی ‘سی پیک’ و چین نا ایلو غُٹ لُٹ ءُ پُل نا منصوبہ آک بےسوب ءُ۔ بلوچستان ٹی چین نا بےسوبا کاروبار ئے کمک تننگ و بچّفنگ کن چین نا پاننگ آ آپریشن ‘عزم استحکام’ نا پڑو کننگانے، تاکہ بلوچستان ٹی ہفّنگ خلّنگ ئٹی ودّیکی برے، چینی سرمایہ دار و لُٹ ءُ پُل نا منصوبہ آتا رکھ مرے۔ دا آپریشن آن کوزہ گیر پاکستانی فوج چینی سرمایہ دار تہ اُست تیک کہ اوفتا رکھ ئکن بلوچستان ٹی لاش خسّنگو۔
جارکش پارے کہ براس نا اوارا تنظیم آک، ‘عزم استحکام’ نا برخلاف تینا رکھ ئنا جنگ ئٹی گیشتری ہتنگ نا پڑو کیرہ۔ ہراٹی نہ بیرہ کوزہ گیر فوج و اوفتا جاگہ آتا بلکہ چین نا کاریم تا ہم سوگوی ئٹ جُلہو کننگو۔
