بلوچ راجی زْرمبشت (بی این ایم) نا شنگ مروکو درشان ئسیٹ پاننگانے کہ کولن جرمنی ٹی ‘ظلم و تادی تا گْواچی مروک آتا حق ئٹی، نشہ و گریزی نا برخلاف جہانی دے ئنا رِدئٹ تنظیم نا جرمنی ہنکین نا کُنڈان کولن ئٹی برانز کننگا۔
برانز کروکا بلوچستان ٹی بندغی حق آتا برخلافی آ توار ہفّسہ انصاف نا خواست کریر۔
او بینر، کارڈ و عکس ہفّیسہ، عکس آتیٹ زور ئٹ بیگواہ مروکا بندغاتا عکس آک ہم اسّہ، و کارڈ آتا پاکستانی ظلم و تادی تا برخلاف نوشتہ کننگاسس۔
بی این ایم جرمنی ہنکین نا کماش شر حسن، کمک کماش صفیہ منظور، باسک آک آصف بلوچ، قاسم حسین، احمد بلوچ، ایمان بلوچ، بالاچ و بندغی حق آتیک کاریم کروک ھداھیر بلوچ برانز ئٹی بلوچستان نا نازُرکا حالت، جہانی تیبر آ گام ہفنگ و انصاف نا مننگ آ، تْران کریر۔
او پاکستانی ریاست نا بلوچستان ٹی فوجی لشکرکشی تہ بند کننگ نا خْواست کریر، ہرافتا سوَب زور ئٹ بیگواہی ہفّنگ خلّنگ و ظلم و تادی مننگ ئٹی اے۔ او بندغی حق آتا تنظیم آتا زور شاغار کہ او بلوچ راج ئنا حق آتیک آگاہی تیر و اوفتا برخلاف کاریم تہ تورِر۔
ورناک بلوچستان نا ورناتیک ظلم و نشہ نا تالانی ئے پھاش کریر، و دافتِہ ایسر کننگ کن روزگار تننگ نا زیہا ہیت کریر۔
بی این ایم دا برانز ئنا کمک ئٹ بلوچستان ٹی برجا بندغی حق آتا برخلافی آ زُو ئس جہانی توار ئے بکار پارے۔ تنظیم پاکستانی ریاست نا دُو آن زور ئٹ بیگواہی، ہفّنگ خلّنگ و بلوچ راج ئنا برخلاف ظلم و تادی تا سفاؤ پٹ ءَ پول ئسے نا خْواست کرے۔
