مہالو نا خورشید احمد پِنی آ پاکستانی فوجی کارندہ ئے پاکستانی فوج پاکستانی مقبوضہ کشمیر آن جاسوسی نا دوبہ ٹی ہلکنے، ہرا کشمیر نا سے۔
اسلام آباد ہائی کورٹ ئٹی کشمیر آن تعلق تخوک بیگواہ خورشید احمد نا یلئی کن درخواست آ سماعت مس جسٹس محسن اختر کیانی کیس ئے بِنگ۔
سماعت ئٹی وزارت دفاع نا ڈائریکٹر لیگل عدالت نا مون آ بس، ایڈیشنل اٹارنی جنرل پارے کہ خواجہ خورشید احمد فوج ئتون اے، و جاسوسی نا دوبہ ٹی توروکے۔
جسٹس محسن اختر کیانی ریمارکس ئٹی پارے کہ بندغ نا تو سما تمّا، عدالت درخواست کروک نا وکیل ئے پارے کہ نی قانودی وڑئٹ متعلقہ فورم آ ہِننگ کیسہ۔
جسٹس محسن اختر کیانی ہرّفے کہ انت خواجہ خورشید احمد فوج آن فارغ مروکے؟ ایڈیشنل اٹارنی جنرل منور اقبال دوگل پارے کہ، ہان، او فوج آن ریٹائر اے۔
درخواست کروک نا وکیل پارے کہ ننے اونا ورندی نا نقل ئس تنّنگہ، جسٹس محسن اختر کیانی پارے کہ بالکل نی نقل ئس ہڷ، متعلقہ فورم آ برک۔
