پشاور ضلع دیر ئٹی ٹی پی پی نا پاکستانی فوج ئنا کیمپ آ جُلہو پنچ کارندہ خلّنگار و گِڑاس ٹھپی مس، کمک کن ہیلی رسینگا۔
حوال تا رِدئٹ ضلع دیر لوئر نا لال قلعہ آ تحریک طالبان پاکستان جُلہو کرے ہراٹی پنچ پاکستانی فوجی کارندہ کھسکُر و مُسٹ ٹھپی مسّر۔
حوال تا رِدئٹ فوج ئنا سُم کاری آن جلہو کروکا تیان ہم خلّنگانے۔ ولے سرجم حوال رسینگتنے۔
ہندن مظفر گڑھ ئٹی نادرست آ سِلاہ بند بندغاک سُم کاری کرسہ ریٹائرڈ فوجی صوبیدار ئے خلکُہ، ریٹائرڈ صوبیدار شاہ بیگ گوپانگ مظفر گڑھ نا تحصیل علی پور ٹی پیشی آن پد عدالت آن اُرا آ ہِننگ ئٹی مسّنے کہ نادرست آ سِلابند بندغاک موٹر سائیکل آ برسہ عدالت نا مون آ سُم کاری ٹی اودے خلکنو۔
