بلیدہ و بالگتر ئٹی پاکستانی لشکر آپریشن بناء کرِسہ اِرا ایلم ئے دزگیر کننگ آن پد بیگواہ کرے۔
شابیتی حوال تا رد ئٹ اینو سہب ئنا پاکستانی لشکر بلیدہ نا ہند گلی ٹی آپریشن بناء کرِسہ اِرا ایلم ئے دزگیر کننگ آن پد نا دُرست ءُ ہند ئسے آ درے۔
بیگواہ مروکا ایلم تا چاہنداری ملا نور اللہ نا مار شاہجہان و صادق نا پِن ئٹ مسنے۔
بیگواہ مروکا تومکا ایلم تا باوہ نا پاننگ ءِ کہ تومکا ایلمک اینو سہب ئنا چاہ کننگ اسُر کہ لشکر اُرا ٹی تومکا ایلم تے دزگیر کرے۔
تومکا ایلم تا زوراکی ئٹ بیگواہی نا برخلاف ہندیک ایف ای کیمپ ئنا مونا برانز کریر، پاکستانی لشکر نا کنڈ آن برانزی تیا بے دادی کننگا۔
ایلو کنڈ آن بالگتر آن حوال ءِ کہ پاکستانی لشکر نا سہاکی و ایب کھیب ئٹی آپریشن و اُرا اُرا ئے پٹنگ برجاء ءِ و کیہی ہند آتیان بندغ آتیا لشکر نا نیمہ آن بے دادی نا حوال رسینگانے۔
