بلوچستان نا ضلع خضدار و جعفر آباد ئٹی کسر تدینی و ایلو ویل آتیٹ اِرا بندغ بیران مس۔
خضدار نا ہند زہری ٹی سنگت آتون خڑک ئنا ڈیم آ مچھی ہلنگ کن عمران زہری پنی ءُ ورنا دیر ئٹی بیٹری نا کرنٹ یلہ تریسہ کرنٹ نا لگنگ آن بیران مس۔
یاتی مرے کہ ڈیم ئٹی مچھی تے کرنٹ نا ذریعہ ئٹ کمزور کننگ نا کوشست اونا ساہ ئے الک۔
ایلو نیمہ غا جعفر آباد زیرو پوائنٹ آ تیز انگا کار چپی مس ہراڑان اسہ بندغ ئس بیران و ارٹ ٹپی مس۔
بیران مروکا بندغ نا چاہنداری محی الدین نا پن آ مس۔
ٹپی آتا چاہنداری اعجاز لاشاری و یار محمد لاشاری نا پن آ مس۔
جون و ٹپی آتے سول ہسپتال آ دریر۔
