بی ایل ایف نا ترجمان تینا شنگ کروک بیان ئٹ پارے کہ 7 جون 2024 نا شام 6 بجہ تربت، کیچ ئنا عیلاقہ کلاتک مرمر کراس نا ہند آ سرمچار آک تنظیمی کاریم ئسے کن ہِننگ اسُر کہ پاکستانی لشکر نا جوڑ کروک ڈیتھ اسکواڈ نا کارندہ غاتون جھڑپ مس، ڈیتھ اسکواڈ سرمچار آتے پلویڑ ئٹی ہلنگ نا کوشست ئے کرے ہندا وخت آ سرمچار محمود عرف مہروان دشمن نا پلویڑ ئے پرغنگ کن دلیری ئٹ جنگ کرِسہ شہید مس وخت ئسکہ سنگت سرمچار دشمن نا پلویڑ ئے پرغِسہ پیشتمنگ ئٹی سرسوب مس۔ سنگت سرمچار ہمت، بہادری و بھاز جوان ئنگا گوریلا حکمت عملی ئٹ شہید سرمچار نا سلاہ و ایلو گِڑاتے تیتون ہرفنگ ئٹی سرسہب م۔
او پارے کہ شہید مروکا جانباز سنگت محمود جان عرف مہروان ولد میجر مولا بخش ہسادیگ دشت ئنا ہندی 2012 غان راجی آجوئی نا ہلنگ کن بلوچستان لبریشن فرنٹ تون اوار ئس۔ او دشمن نا برخلاف کیہی رزم گاہ تیٹی سنگت آتون ہم کوپہ مرِسہ جنگ کرِسہ بہادری و گوریلا جنگی مہارت آتا جوان ئنگا مثیل ئے جوڑ کرینے۔
او ودیک پارے کہ شہید محمود جان عرف مہروان سرمچار شہید ناکو عیسٰی عرف ناکو شیرا، شہید سمیر عرف سوگات، شہید ثناء عرف سوگات و شہید جعفر عرف ثناء نا خڑ ءُ سیال ئس اس۔
ترجمان پارے کہ شہید محمود جان عرف مہروان اسہ مہروان ءُ ہمدرد ءُ پرعزم و خواری کشوکو سرمچار ئس اس، سلاہ بند جہد آن مالوو بلوچستان نا آجوئی کن سیاسی جہد تون تفوک اسک، سال 2012 ئٹی او بی ایل ایف نا اسہ شاری نیٹورک ئسے ٹی اوار م، ہمو دے آن تہ شہادت اسکان بلوچستان لبریشن فرنٹ نا پلیٹ فارم آن فعال و متحرک و سرمچار ئس سلیس و شہید آتا کاروان ئٹی اوار مرِسہ تا ابد زندہ مس۔
او پارے کہ ڈیتھ اسکواڈ نا کُل کارندہ تا نشاندہی مسُن، او کُلے اوفتا انجام آ زو رسیفنگ مرو۔ بلوچ راجی جنز آجوئی نا برخلاف کاریم کروک راجی دشمن تے ہچو صورت ئسے ٹی بشخنگ مفروئے۔
او ایسر ئٹ پارے کہ بلوچستان لبریشن فرنٹ تینا سنگت سرمچار شہید محمود جان عرف مہروان ئے اونا عظیم ئنگا شہادت آ دروت ندر کرِسہ دا قول کیک کہ شہید آتا مشن ئے ہرحال ئٹی مزل آ سر کرِسہ آجو بلوچستان نا تُغ ئے پورہ کننگ مرو۔
