جرمنی نا شہر مانہیم ٹی چاقو ئٹ جلہو، مائیکل اسٹرزنبرگر بھاز ٹپی مس۔یورپی ملک جرمنی نا شہر مانہیم ٹی،اسلام نا ناقد مائیکل سٹورزنبرگر آ ریلی سینا وخت چاقو ئٹ جلہو کننگا اراٹی 59 سالی آ اسٹرزنبرگر آ بھاز ٹپی مس۔
جرمن پولیس نا رد ئٹ جلہو نا وخت اوڑے ساڑی کسریک و پولیس بس جلہو جلہوکار آتے توننگ نا کوشست کرے،جلہو کروکاک پولیس افسر ئسے ہم چاقو ئٹ ٹپی کریر، موقع آ ساڑی پولیس کارندہ ئس جلہو کروکا ئے سُم ئس خلیسہ ٹپی کننگ آن پد دزگیر کرے۔
پولیس تدینی ٹی ٹپی تے زوت اسپتال آ درے، جلہوکار آتا پجارئے دائسکان پاش کننگ متنے۔
مانہیم جلہو ٹی ٹپی مائیکل سٹورزنبرگر نا دوست تخوک آک اونا زو صحت یابی نا اُمیت کننگءُ و جرمنی ٹی لس مُچی تیٹی تشدد نا مسئلہ آ آجو اظہار رائے آ زور تننگءُ۔
