چاغی نا مخلوق پاکستانی لشکر نا برخلاف برانز کریسہ نوکنڈی باب عمر نا کسر ئے بند کریر۔
برانزی تا رد ئٹ ہنوکا دے ہندی بندغ آ تا لاری تہ انجن ٹی پاکستانی لشکر ریک شاغا اوفتے نت شپاد گرم ریک آ سلیفے ہرانا سوب آن تومکا تہ نک ہُشنگار ۔
ہندی تہ پاننگ ءِ کہ مُست ہم دُنو تدینی مسُنے اراٹی ڈرائیور آتا لاری تہ انجن آتے ناکارہ کرینو بلکن ڈرائیور آ تان دِیر ای آ بوتل آتے ہم پُھلانو ارا سوب آن ڈرائیور آک ملاسی آ کھسکُنو۔
او مُستی پاریر کہ بندغی حق آتا ادارہ تیان خواست کینہ کہ او لشکر نا دا حرکت آتا نوٹس ہلیر، دالبندین ٹی ہم اینوبلوچ یکجہتی کمیٹی نا نیمہ آن برانز ئسے نا پڑو کننگانے۔
یاتی مرے کہ سال 2022 ئنا اپریل نا تُو ئٹی پاکستانی لشکر نا کارندہ آک ویران سیم ئنا ہند ئٹی دو سد آن خُڑک لاری تہ ریڈیٹرز آ تیٹی ریک شاغیسہ بیٹری تہ کشار و ڈرائیور آتے ہندُن الار ارافتا کہنگ نا حوال بس۔
