سمبازہ ژوب ئٹی قوضہ گیر پاکستانی فوج لشکرکشی کرے اراڑے فوج و سِلابند بندغاتا نیام ئٹ سُم کاری آن کوزہ گیر فوج ئنا میجر بابر تو اوار مسہ کارندہ خلّنگار، ہندن کرنل عبدالرحمن و کیپٹن شاہد پِنی آ کارندہ آک ٹھپی مسّر۔
ایلو نیمہ غا کوزہ گیر فوج ہم منّانے کہ لشکرکشی ٹی سی ءُ میانوالی ٹی رہینگوکا سی ءُ سئے سال ئنا میجر بابر خلّنگانے۔
کیچ گومازی ٹی سِلابند آ بندغاک سرکاری لشکر نا چھار کارندہ توفنگ نا زور ئٹ دزگیر کرسا تینتون دریر۔ گُڈیکو احوال اِسکان دا کارندہ آتا ہلّنگ دنّنگ ئے کس ئس منّتنے۔
