کیچ : پنچ مئی 2024 آ بلوچ اسٹوڈنٹس ایکشن کمیٹی تُربَت ہنکین نا نیمہ غان بلوچ لٹریسی کیمپیئن ( بی ایل سی ) نا پن ئٹ بلیدہ ٹی دیوان ئس اڈ تننگا ۔ دیوان چار بشخ ئٹی مس ۔ دیوان نا بناء راجی سوت آن مس مہمان تے مونا ہیسُر بساک و بساک نا ارزشت نا بابت ئٹ خوانندہ آک ہیت کریر ۔
گلوکار تہ بشخ ئٹ بی ایل سی نا بابت ئٹ ہیت کریسہ پاریر کہ بلوچستان نا تہٹی خواننگ نا مسلہ آک ہندُن بھاز ءُ کہ حسابی افس، کالخواہ آک دا مسلہ آتے حل کننگ کن ہچو گامگیج ئس ہرفنگ افس دا بابت ئٹ تنظیم سوچانے کہ بلوچستان نا خواننگ نا مسلہ تون توجیل سازی ئٹ بی ایل سی نا کیمپیئن برجاء مرے ۔ اول خواننگ نا مسلہ بلوچ مخلوق نا مونا برے و پدا کُل بلوچ راج تینا راجی جُہدے کے۔
دیوان نا ایلو بشخ ڈیبلو ئس کہ ہرانا وسیلہ ئٹ خوانندہ تے مونا خواننگ نا ارزشت، بلوچستان کتاب کاروان نا ارزشت ، و چُنکا چُناتا گام تہ ارزشت پاننگ مسونے ۔
ڈیبیلو آن پد ایلو بشخ کیئریر کائونسلنگ سیشن مس اراٹی سنگت آک ہیت کریسا پاریر کہ وخت ئنا خواست ہندادے بلوچ خوانندہ آک تینے ہر جاگہ غا سر کیر و کُل فیلڈ آتا وسیلہ ئٹ بلوچ راج ئنا خدمت ئے کیر ۔
او مُستی جتا جتاغا فیلڈ و ارافتا ارزشت نا آ ہیت کرے ۔ دا دیوان نا ئٹی کتابی دیوان ہم تُد اسک ۔ بلیدہ نا خوانندہ آک تینکن جتاجتاءُ کتاب ہرفیر ۔
