ہرنائی : بلوچ لبریشن آرمی نا جارکش آزاد بلوچ تینا شنگ مروکو درشان ئسیٹی پارے کہ 27 اپریل آ ننا سرمچار آک ڈھکوک ادارہ تہ کارندہ تے ہُننگ کن سنجاوی آن ہرنائی آ ہنوک کسر آ ہرنائی نا ہند ماروان تنک آ سنگر ہلیسہ کسرئے بند کریر ۔ چیکنگ نا وخت آ لغور آ پاکستانی لشکر لس پُچ تیٹی لاری تہ بَسُر اراڑے لس شہری تے سنگر کریسہ سرمچار آتا جلہو کریر ۔
او پارے کہ پاکستانی لشکر نا دا لغور آ حکمت عملی نا رد عمل ئٹی سرمچار آک احتیاط ئٹ شہری تہ جان و مال تہ رکھ ئے کریسہ جوابی جلہو کریر ۔ بی ایل اے نا جوابی جلہو آن پاکستانی لشکر پدی مس ۔ دمان ئسے آن پد خُڑک ئنا ہند آتان قوضہ گیر لشکر نا پین کاروان ئس سرمس ۔
دا جھڑپ ئٹی پاکستانی لشکر نا اِرا کارندہ ٹپی مس ۔ بی ایل اے نا سرمچار ماما کماش بلوچ بہادری ئٹ جنگ ترسا شہید مس ۔ ماما کماش بلوچ اسہ ایماندار و نڈر ءُ سنگت ئس اسک ۔ اونا شہادت آ بی ایل اے اودے سلام ندر کیک ل و اونا جہدئے قدر ئٹ ہُرک۔
آزاد بلوچ تینا شنگ مرعکا درشان ئٹی پارے کہ نن اسہ وار ئس پدا پانہ کہ دا ہند ئٹ بی ایل اے نا کنٹرول مہکمءِ ۔ اراڑان پاکستان نا بزدل آ لشکر جنگی قانون نا برخلاف مردا لس شہری تہ دروشم ئٹ کاروائی کیک ۔
