وائس فار مسنگ پرسنز آف سندھ، سندھ سجاگی فورم، سندھ سبھا و ایلو خوانندہ و راج دوست گَل آتا کُنڈان راج دوست باسک بشیر شر نا زوراکی ئٹ بیگواہی ئے شیف خلیسہ اونا آجوئی کِن کراچی و حیدر آباد تون اوار سندھ ئنا ایلو شار تیٹ برانز ئنا پڑو کننگانے۔
درشان ئٹی پاننگانے کہ دا وخت سچل تھانہ کراچی نا مون آن بیگواہ مروکا بشیر شر کِن اونا خاہوت، سیاسی و چاگڑدی بندغاک برانز ئے برجا تخانو۔
او پاریر کہ بشیر شر ئے اسہ وار ئس مُست ہم پاکستانی ادارہ غاتا نیمہ آن اِرا ہزار بیست ئٹی کراچی آن بیگواہ کننگا۔ ہرانا مُسہ تُو بیگواہ کننگ آن پد بغاوت و ایلو کیس آتیٹ دزگیری پھاش کننگا و پدا کراچی جیل آ راہی کننگ مس۔ اراڑے او اِرا سال اِسکان کراچی جیل ئٹی بند مننگ آن پد ضمانت آ یلہ کننگا ۔
