بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک کیچ ئنا بھلا شار تربت و تمپ ئٹی دشمن لشکر ئے جلہو تیٹی ٹک کرِسہ مسہ دشمن کارندہ خلکُر و مسٹ ٹپی کریر ۔
سرمچار آک درو 25 اپریل نا شام نوہ ءُ نیم بجہ آ کیچ ئنا بھلا شار تربت ئٹی تعلیمی چوک آ جوڑ مروک دشمن لشکر نا چوکی ئے چغلی بمب جلہو ئٹی ٹک کریر۔
چغلی بمب چوکی نا تہٹی تما ارانا سوب آن چوکی ٹی ساڑی اسہ کارندہ ئس کھسک و اسٹ ٹپی مس چوکی ئے نسخان مس ۔
جلہو آن پد پروش کنوک آ لشکر بھاز ہرُے اسکان لس آبادی آ سمکاری کرے ۔
اسہ پین جلہو ئسے ٹی اِستو دہ ءُ نیم آ تمپ ملانٹ آ جوڑ مروک قوضہ گیر پاکستانی لشکر نا اسہ چیک پوسٹ ئسے آ سرمچار آک خڑک ہنِسہ بھلا و جدید آ سلاہ تیٹ جلہو کریر ۔ جلہو ہندن ترند اسک کہ دشمن ئے نرنگ نا موقع رسینگو و جلہو ئٹی دشمن نا اِرا کارندہ کھسک و ارٹ ٹپی مس ۔
جلہو آن زوت پد قوضہ گیر لشکر نا ہندا چیک پوسٹ ئنا خڑک آ تولوک آ فورسز کمک کِن بس ولئے سرمچار آک سلامتی ئٹ تینا ٹھکانہ تا نیمغا سرہلنگ ئٹی سرسہب مسُر ۔
جارکش ایسر ئٹ پارے کہ بلوچستان لبریشن فرنٹ دا جلہو نا ذمہ واری ئے ہرفک و سرزمین نا تیبہ غا آجوئی اسکان دشمن لشکر آ جلہوک ترندی ئٹ برجاء مرور ۔
