بلوچستان نا کیہی ضلع تیٹی پِر برجاء، و چھت آتا تمنگ نا تدینی تیٹی نُہہ بندغ ٹپی س و اسہ مسڑ ئس بیران ئس ۔
بلوچستان نا ہند کوہلو،موسیٰ خیل، ژوب، شیرانی،مستونگ و قلات ئٹی طوفانی پِر ریکارڈ کننگا ،چمن ، قلعہ عبداللہ ، پشین ،زیارت ، مستونگ ،مسلم باغ ،کان مہترزئی و قلات ئٹی پِر آن زمین و درخت آتے نسخان رسینگانے ، تیز تہو تان کیہی ہند آ تیٹی سولر پینلز آک طوفانی تہو ٹی بال کریر ۔
طوفانی پِر تیان آن سنجاوی ،پشین ،توبہ کاکڑی ، شیلا باغ ، قلعہ عبداللہ و پشین نا دیہی ہند آتا رابطہ ختم و مواصلاتی نظام متاثر مسُنے ۔
ایلو نیمہ آ پسنی ٹی وارڈ نمبر 5 ئٹی پِر تا سوب آن اُراسے نا چھت تما ارانا سوب چار چُنا تون تون اوار شش بندغ ٹپی مس ، ریسکیو کارندہ آک ٹپی تے کشار و اسپتال آ دریر۔
کرک ئٹی پِر تیان کمرہ سینا چھت تما اراڑان اَسہ سینزدہ سالیءُ مسڑ ئس بیران و مُسہ بندغ ٹپی مس ۔
