مستونگ ئٹی نواب ہوٹل نا ٹک آن زوراکی ئٹ بیگواہ مروکا عبدالطیف ولد سفر خان نا آجوئی کن کوئٹہ کراچی کسرئے بند کرسا برانز کننگا۔
کسر نا بند مننگ نا سوب آن اِرٹنگا نیمہ آتا لاری تہ بھلو قطار لگانے، برانز ئنا وخت آ خاہوت عبدالطیف نا زوت آن زوت آجوئی نا خواست کریر۔
یاتی مرے کہ برانز ئٹی انتظامیہ مذاکرات کننگ نا کوشست کرے ارا بے سہُب مس ،برانز دائسکان برجاء ءِ۔ عبدالطیف ئے 19 اکتوبر 2023 آ پاکستانی لشکر زوراکی ئٹ بیگواہ کریس ئس۔
