خضدار نا ہندی و زوراکی ئٹ بیگواہ مروکا سلمان بلوچ نا ایڑ ، سعدیہ بلوچ پارے کہ عید ہموفتا مریک ارافتا اُست آک خوش مریرہ ، عید ہموفتا مریک ارافتا ایلم و باوہ سلامت مریرہ ۔
او پارے کہ دا ننا مُسٹمیکو عیدءِ ارادے نن تینا ایلم آن جتاء گدریفنگ اُن ، ایلم نا جتائی انت مریک ، دا ننے یک ءُ نیم سال ئٹی سما تمانے کنا ایلم سلمان بلوچ ئے 13 نومبر 2022 آ کوئٹہ آن زوراکی ئٹ بیگواہ کننگا و دائسکان بیگواہ ءِ ۔
او پارے کہ بلوچ یکجہتی کمیٹی نا نیمہ آن خضدار ئٹی عید ئنا دے سئے بجہ آ شہید عبدالرزاق چوک آن ریلی ئس پیشتمو و بلوچ وائس فار جسٹس نا نیمہ آن شام آ آن لائن مہم ئس چلفنگو ۔ ای کُل آن خواست کیوہ کہ اوفک ریلی ٹی اوار مریر و مہم ئٹی بشخ ہلیر ۔
