بلوچستان نا ہند مستونگ، تُربَت و نصیرآباد ئٹی پاکستانی لشکر آ بمب جلہو و سُمکاری ۔
مستونگ میجر چوک آن خُڑک نا دُرست بندغ آک پاکستانی لشکر آ دستی بمب ئٹ جلہو و سُمکاری کریر ۔بمب جلہو و سُمکاری آن جانی نسخان رسینگ نا گُمانءِ ۔ لشکری کارندہ آک ہند ئٹی ناکہ بندی کرسہ پٹ و پول کریر ۔
ایلو نیمہ آ ضلع کیچ ئنا بھلا شہر تُربَت ئٹی پاکستانی لشکر نا چیک پوسٹ آ دستی بمب ئٹ جلہو کننگا ۔ جلہو ئٹی زین العابدین پنی ءُ بندغ ئس ٹپی مس ۔
پولیس نا رد ئٹ نا دُرست بندغ آک عشاء نا نماز آن خُڑک سنگانی سر ئٹی ایف سی 168 ونگ آ چوکی آ دستی بمب خسار ارڑان تراک مس ۔
ضلع نصیرآباد ئٹی پولیس تھانہ میر حسن پولیس گشتی پارٹی آ جلہو مس ۔ پولیس نا رد ئٹ پولیس تھانہ میرحسن ایس ایچ او عابد حسین لغاری ایر آفیسر ظفر فراز و نفری شام ئنا وخت گشت آ اسُر کہ بشیر خان لاڑا آن خُڑک مون آن بروکا موٹر سائیکل دُز آتے توننگ نا اشارہ کننگ آ پولیس آ سُمکاری کریر ۔پولیس نا جوابی سُمکاری کننگ آ دُز آک تارمئی نا فائدہ ہرفسا نرار۔
