تربت نا ہند جوسک آ پاکستانی لشکر فدائی ایوب عظیم نا اُراغا چھاپہ خلیسہ خاہوت ئے تشدد نا گواچی کرے۔
ہندی تہ ردئٹ لشکری کارندہ آک بھلو کچ ئسیٹی اُرائے پلویڑ کرسا زالبول و چناتہ تشدد ہم کننگا و اُرا نا کُل موبائل تے ہم تینتون دریر۔
لشکری کارندہ آک خاہوت ئے تڑی ترسا پارے کہ فدائی ایوب عظیم نا خاسپر ئے کیمپ آ ہتنگ مرے اگہ نا خاہوت نا برخلاف کاروائی کننگءُ۔
یاتی مرے داکان مُست ہم بلوچستان نا ضلع خضدار آ پاکستانی لشکر بی ایل اے مجید بریگیڈ گوادر جلہو نا کمانڈر شوکت حکیم گنگو نا باوہ ئے دزگیر کرسا بیگواہ کننگاسس۔ پداحکیم گنگو نا باوہ ئے اسہ ہفتہ سیان پد یلہ تننگا۔
