شام ئنا دارالحکومت دمشق ئٹی ایرانی سفارت خانہ آ اسرائیل نا جلہو ٹی اِرا جرنیل اتون اوار ہفت بندغ خلّنگا۔
شام ئنا کالخواہ و سرکاری میڈیا سئے شمبے آ حوال تسّر کہ اسرائیلی فضائی جلہو سیٹی شام ئٹ ایرانی سفارت خانہ نا جاگہ بھُس مس اراٹی اِرا بھلّو لشکری و گِڑاس پین بندغ خلنگار۔
شام ئنا اِرا ٹیلی ویژن چینل آتا پاننگءِ، ارافتیٹ اسٹ ایرانی عربی زبان چینل "العالم” و ارٹمیکو پین عرب چینل "المیادین” ءُ کہ جلہو ٹی ایرانی لشکری مشیر جنرل علی رضا زاہدی خلنگانے، ارا 2016 اِسکان لبنان و شام ئٹی ایلیٹ قدس فورس نا بھلنی ئے کریسس۔ جلہو ئٹی زاہدی نا نائب جنرل محمد ہادی ہجریہیمی و پنچ پین پنچ افسر آک ہم خلنگانو۔
شام ئنا سرکاری حوالکار ایجنسی، سنا نا رد ئٹ جلہو ٹی ایرانی قونصلیٹ نا جاگہ بھُس مریسہ تمّا و اونا سفارت خانہ نا بچانت ۔
ایران نا سفیر حسین اکبری اسرائیل ئے شیف خلیسہ پارے کہ کم آن کم ہفت بندغ خلّنگانے۔ کُمکار آک دائسکان جون آتے پٹنگءُ ارا دیوار ارا جلہو آن پد دیوار تہ کیرنگا پش تمانو۔ اکبری پارے کہ جاگہ نا رکھ اکن سلوک اِرا پولیس نا کارندہ ہم ٹپی مسنو۔
او جلہو نا بیر ئے "ہندن سوگوی و زوراکی ئٹ” ہلّنگ نا درشانی ئے کرے۔
