بی ایل اے نا جارکش جیئند بلوچ میڈیا ٹی شنگ مروکو درشان ئسیٹی پارے کہ بلوچ لبریشن آرمی نا مجید برگیڈ آپریشن زرپہازگ نا پنچمی بشخ ئٹی ہنوکا شام دہ بج آ قوضہ گیر پاکستانی لشکر نا نیول ائیربیس پی این ایس صدیق آ جلہو کرے و سُہب اسکان دشمن تون مقابلہ کرسا سی آن گیش کارندہ خلسہ آپریشن نا مسخت آتے ہلُکر۔آپریشن ئے سُہبمند کرسا مجید بریگیڈ نا چار فدائینک آخری سُم ئنا فلفسہ آ عمل کرسا تینا آخری سُم تیٹ شہادت قبول کریر۔ دا آپریشن نا مسخت سی پیک منصوبہ نا رد ئٹ بلوچ ساحل آتا قوضہ و لُٹ پُل آن رکھنگ و برجاء انگا بلوچ نسل کشی نا بیر ہلنگ ئس۔
بی ایل اے مجید برگیڈ نا آپریشن زرپہازگ نا پنچمی بشخ ئے سرسہبی ئٹ ایسر کننگ کِن مجید برگیڈ نا چار فدائینک آپریشن کمانڈر ایوب عرف دودا، خلیف عرف اسلم، وجداد عرف نعمان و مراد حاصل عرف فرہاد تربت ئٹی غیر معمولی سیکیورٹی ٹی دشمن لشکر نا نیول ائیربیس پی این اسی صدیق نا مضبوط ہڑاند آتے پرغسہ تہٹی پیہنگ آ سرسُہب مسُر و سنگر ہلکر۔ پیہنگ تون فدائینک لشکر نا اسِہ بکتر بند و اِرا ڈرون آتے بھُس کریر۔ بلوچ فدائین تون آخری حوال اسکان او 8 گھنٹہ ٹی دشمن ئے خلیسہ مش باٹی تسُر اراٹی دشمن لشکر نا 30 آن گیش کارندہ خلنگا، سُم تہ کُٹِنگ نا سوب آن چار انگا فدائینک تینا گڈی سُم تیٹ شہادت نا عظمت ئے تینا پنہ کریر۔
بلوچ لبریشن آرمی ئے دا آپریشن ئٹی بلوچ راجی آجوئی سنگر (براس) ئنا کمک تُد ئس ۔ بلوچ راجی اتحاد نا چیدہ براس دا آپریشن ئے سُہبمند کننگ کہ بھلو کردار ئس ادا کرے ۔
آپریشن زرپہازگ نا آپریشن کمانڈر شہید فدائی سنگت ایوب عظیم عرف دودا ولد محمد عظیم بلیدہ نا ہند کور ءِ پشت نا ہندیس اسک ۔ او ورنائی نا وخت آ بی ایس او نا اسہ جوانو باسک ئس ئس و آجوئی نا وے سلاہ بند جدوجہد ئٹی مسُنے ۔ اودے 2017 ٹی دشمن لشکر زوراکی ئٹ بیگواہ کرے او اِرا سال آن زیات دشمن نا ٹارچر سیل آتیٹی دڑد سہا ۔
دشمن نا زندان ئٹی اونا نظریہ و قوضہ گیر کن نفرت پین مضبوط مس ۔ او دشمن نا زندان آن آجو مننگ آن پد 2019 ٹی بلوچ راجی غلامی نا برخلاف سلاہ بند جدوجہد ئٹی اوار مس ۔ او 2020 ئٹی بی ایل اے مجید برگیڈئے رضاکارانہ تینا خدمت آتے پیش کرے ۔ او اسہ بہادر و گوریلا صلاحیت آتا مالک ءُ سنگت ئس ئس ۔
شہید فدائی سنگت خلیف عرف اسلم ولد قادر بخش آواران ، جھاؤ نا ہندی 2019 ٹی بی ایل اے مجید برگیڈئے بطور رضاکار تینا خدمت آتے پیش کرے ۔ او 2018 ٹی بلوچ راجی آجوئی نا سلاہ بند جدوجہد ئٹی اوار مس ۔ شہید فدائی خلیف بلوچی زبان نا اسہ شاعر ئس و تحریک آجوئی نا اسہ کمیٹڈءُ باسک ئس اسک۔
شہید فدائی سنگت وجداد عرف نودان ولد صاحب داد بلیدہ نا ہند کور ءِ پشت نا ہندیس اسک ۔ شہید وجداد 2011 آن بی ایس او نا پلیٹ فارم آن بلوچ راجی آجوئی نا حوال ئٹ ورناتے اوار کننگ کن جُہد کننگ ئٹی ئس و آجوئی نا وے سلاہ سیاسی باسک ئس اسک ۔ 2017 ٹی قوضہ گیر پاکستانی لشکر و ڈھکوک ادارہ آک اودے زوراکی ئٹ بیگواہ کریر و اِرا سال اسکان اذیت خانہ ٹی اذیت سگہ ۔ آجوئی آن پد او 2020 ٹی سلاہ بند جُہد ئنا کسر آ بس ۔ بھاز محاذ آ تیٹ دشمن آ قہر شاغہ و پدا تینا خدمت آ تے بی ایل اے مجید برگیڈ ئے پیش کرے و آپریشن زرپہازگ نا اَسہ جانباز ءُ جندندری سینہ دروشم ئٹ تینا زند ئنا گڈیکو جنگ ئے کرسہ شہید مس ۔
شہید فدائی سنگت مراد حاصل عرف فرہاد ولد پیر محمد سکنہ کور ءِ پشت بلیدہ نا ہندی 2021 ئٹی بلوچ راجی غلامی نا برخلاف سلاہ بند جُہد ئنا بناءئے کرے ، او سلاہ بند جُہد ئٹی اوار مننگ تون بی ایل اے مجید برگیڈ ئے بطور رضاکار تینا خدمت آتے پیش کرے ۔ او سیاسی علم و گوریلا صلاحیت آتا مالکءُ سنگت ئس اسک ۔
جارکش ایسر ئٹ پارے کہ بلوچ فدائین تہ دا تینا گلزمین ، تینا راج و آجوئی تون عشق ءِ کہ او قربان مننگ کن تینا ساہ ئے دُو آ تخیسہ دشمن نا مضبوط قلعہ تیٹی پیہیسہ دشمن تون جنگ کرسا اودے مش باٹی تیرہ ۔ فدائی تہ مسخت زندہ واپس بننگ نا اف بلکن تینا ساہ ئنا قیمت آ تینا مسخت ئے ہلنگ مریک و دا مسخت ذاتی نا بلکن راجی مسختءِ ۔ اراتم ارا راج قربانی و کمٹمنٹ نا دا جاگہ اسکان سر مریک گڑا دشمن اخس طاقت ور مرے شکست اونا مقدر مریک ۔
