بلوچستان ئٹی ٹریفک و کرنٹ لگنگ نا اِرا تدینی ٹی چُنا تون اوار مُسہ بندغ بیران مسنو۔
پشین ئٹی گانگلزئی روڈ آ اِرا موٹر سائیکل آتا ڈک لگنگ آن اِرا بندغ بیران و اِرٹ ٹپی مسنو۔
ٹپی مروک و جون تے دمدستی اسپتال آ سر کننگانے۔
ایلو کنڈ آن نصیرآباد نا گوٹھ حاجی خان جتوئی نا ہندی آچر مغیری نا 14 سالی آ مار فرحان بجلی نا کرنٹ لگنگ آن کھسکنے۔
ورنا اُرا نا پیشن لڑونج انگا 11 ہزار وولٹیج نا تار تے دو خلکنے، ہرا نا سوب آن اودے کرنٹ لگانے، و اود ہند آ ساہ تسنے۔
اونا دارث آک برانز کرسا پاریر کہ بجلی نا تار آک تدوکا 4 سال آن لڑونج ءُ، ہراڑا واپڈا کوالخواہ تیان خواست تسوسن ولے ہچو گامگیج متو ہراڑان گڈ دا تدینی مس۔
