جھاؤ ٹی زوراک آ پاکستانی لشکر چھاپہ خلیسہ ورناس ئے زوراکی ئٹ بیگواہ کرے۔
حوالکار نا رد ئٹ زوراکی ئٹ بیگواہ مروکا ورنا نا پجار ظفر ولد اکبر جھاؤ کوٹو نا ہندی ئٹ مسُنے۔ زوراک آ پاکستانی لشکر درے ننکان چھاپہ خلیسہ اُرانا بندغ آتے تشدد نا گواچی کرینے و ظفرئے دزگیر کرسا زوراکی ئٹ بیگواہی نا گواچی کرینے۔
ہندُن درے ننکان پاکستانی لشکر کوٹو الاھی بخش ولد ھیشو پنی ءُ بندغ ئسینا اُراٹی چھاپہ خلیسہ اُرانا بندغ آتے تشدد نا گواچی کرینے۔
ایلو نیمہ دکی آن حوالءِ کہ سلاہ بند بندغ آک کوئلہ کان نا مزدور آتے دزگیر کرسا تینتون درینو ارافتا پجار جوہر خان ولد سلیم اسھاک زھی دکی نا ہندی،شاہ خان ولد بہار و باپا خان ولد ہیر بدر ارا شانگلہ سوات نا ہندی ئٹ مسُنے۔
