اینو کیچ ئنا مُسہ جتاء جاگہ تیتون اوار گوادر ئٹی کارواٹ زیروپوائنٹ ہم برانز کرسا بند کننگا۔
حوال آ تا رد ئٹ یک شمبے آ سہور نا وخت لشکری کارندہ آک ہوشاپ سربازی بازار ئٹی امیر بخش سربازی نا اُرائے گھیرہ کریر ، خاوت پارے کہ لشکری کارندہ آک مُسہ ورنا تے بیدس وارنٹ آن زوراکی ئٹ بیگواہ کننگ نا کوشست کریر ، زالبول و چُناتا مزاحمت نا سوب آن کس ئے دزگیر کننگ کتوس ۔
خاوت پارے کہ لشکری کارندہ آک زالبول و چُنا تہ تشدد کریر و اُرا نا سامان تے پرغار ۔ اوفتا رد ئٹ نن اُرا ٹی چھاپہ نا سرچ وارنٹ نا خواست کرین گڑا ننے آ تشدد کریر۔
تدینی نا برخلاف اینو ضلع کیچ ئنا مُسہ جتاء انگا جاگہ آتا برانز کرسا کسرتے بند کننگا ۔
ہوشاپ ایم ایٹ آن بیدس تجابان کرکی ٹی سی پیک ئے بیگواہ مروکا خداداد سراج نا زوراکی ئٹ بیگواہی و ہنوکا شام آسکانی بازار آپسر آن شعیب و بالاچ پنی ءُ اِرا ورنا تہ زوراکی ئٹ بیگواہی نا برخلاف تربت ئٹی آپ درک ڈاکی بازار نا ہند آ برانز مننگ ءِ ۔
داڑتون اوار کوسٹل ہائی وے ئے ہم کارواٹ زیرو پوائنٹ آ بیگواہ آ لالا رفیق و زاکر عبدالرزاق نا آجوئی کن بند کرسا برانز کننگ ءُ ۔
