وندر/چمن: اِرا جتا انگا کسر تدینی تیٹی شش ورنا بیران و مُسٹ ٹپی مس۔
حوال آتا رد ئٹ ناکہ کھاڑی وندر آ اِرا لاری تہ ٹکر کُننگ آن پنچ ورنا بیران و مُسٹ ٹپی مس۔ بیران مروکا ورنا تہ پجار شیہک ولد مندوست،سہیل ولد خالد،شہان ولد رحیم بخش، زہیر ولد ایوب،شعیب ولد محمد اکرم و مالک ولد سالہ نا پن ئٹ مسُنے ارا پنجگور نا ہند پروم نا ہندیءُ۔ احمد ولد محمد اکرم، بھیا ولد برکت و سمیر ولد اسلم ٹپی مسُر۔بیران مروکا بندغ آتا لاش و ٹپی مروکا بندغ آتے اسپتال آ دننگانے۔
ہندا وڑ چمن نا رنگین چوک آ ٹرک ئس سید علی ولد عبداللہ پنی ءُ بندغ ئسے لتاڑہ ارا ہمو جاگہ بیران مس۔ اونا لاش ئے المی کاروائی کن اسپتال آ دننگ آن پد خاوت نا دوٹی تننگا۔
