کیچ : مزن بند و کولواہ ٹی زوراک آ پاکستانی لشکر نا بُڑزی و زمینی لشکر کشی برجاء ءِ ۔
حوالکارنا رِد ئٹ مزن بند ئٹی درو زوراک آ پاکستانی لشکر بھلو کچ ئسیٹی مش تہ تہٹی لشکر کشی کننگ ءِ ۔ لشکر جل و کھڈ آتا سنگر ہلیسہ توسُنے، گوراپی ، کنٹانی ، زال کلگ و سمائلی نا ایب کیب آ لشکر کشی کننگ ءِ ۔ دا بابت ئٹ ننا جُست آک برجاء ءُ ۔
شابیتی رِد ئٹ جمعہ نا دے آ کولواہ نا زربار شاہ باتل نا ایب کیب تون اوار گوریچ جرک ئٹی زوراک آ پاکستانی لشکر نا جنگی جہازاک ہن و بر کرینو ۔ ہندُن گمانءِ کہ پاکستانی لشکر کولواہ ٹی بھلو لشکر کشی ئس کیک ۔
