برطانیہ ٹی بلوچ نیشنل موومنٹ نا نیمہ آن بلوچستان نا آجوئی و بلوچستان ئٹی بندغی حق آ تا رد ئٹ آگاہی مہم نا اولیکو بشخ ہنوکا دے ایسر مس ۔ آگاہی مہم ئنا اولیکو بشخ ئٹی بی این ایم نا باسک آک لندن شار ئٹی پمفلٹ بشخار ۔
بی این ایم نا باسک آک کیمپ خلیسہ برطانیہ نا شاری تے بلوچستان ئٹی پاکستانی ظلم و بلوچ راج نا محکوم حیثیت نا بابت ئٹ پاریر ۔
بی این ایم نا نیمہ آن بشخوکا پمفلٹ نا عنوان ” بلوچ جدوجُہد نا بابت ئٹ آگاہی ، انصاف و آجوئی نا خواست“ اسک ۔
بی این ایم برطانیہ چیپٹر نا نیمہ آن پاننگا کہ ایلو بشخ ئٹی برطانیہ نا ایلو شار آ تیٹ ہم آگاہی مہم کننگءُ ۔
او تینا کیمپن نا وخت ئے برطانیہ نا لس شاری تون رابطہ تخیسہ اوفتے پاریر کے بی این ایم اَسہ آجو بلوچ ریاست نا اڈ تننگ کن جدوجہد کروکو پر ایمن ءُ سیاسی پارٹی سے ۔ بی این ایم بلوچ راج ئنا نمائندگی کیک اراکے تینا آجو ریاست نا خواہان ءُ اوفتا وسائل آک اوفتا جند نا دُو ٹی مریر و او تینا معاملات آ تیٹی آجو مریر ۔
اوفک برطانیہ و جہانی ایلم تے پاریر کہ او بلوچ راج ئنا حق حاکمیت ئے منیسہ بلوچستان نا آجوئی نا تحریک نا مُختفی ئے کیر ۔ ارادے پاکستان محکوم جوڈ کرسا اونا آجوئی ئے پُلانے ۔
