وائس فار مسنگ پرسنز سندہ ئنا رہشون سورٹھ لوہار اور سسئی لوہار نا باوہ ہدایت لوہار ئے اینو سہُب ئنا نصیرآباد ئٹی سلاہ بند بندغ آک خلکُر ۔
یاتی مرے کہ ہدایت لوہار 17 اپریل 2017 آن تا جولائی 2019 اسکان پاکستانی لشکر نا دُو آن بیگواہ ئس ۔ ارانا آجوئی کن اونا مسنک سورٹھ و سسئی لوہار کیہی سال جُہد کریسُر ۔
ہدایت لوہار پیشہ آن اَسہ استاد ئس اسک و 1980 نا دہائی آن جیئے سندہ ئنا اسہ کاریم کروکو سیاسی باسک ئس ئس ۔
دا وخت وائس فار مسنگ پرسنز آف سندھ ئنا رہشون سسئی لوہار نا راہشونی ٹی نصیرآباد ، لاڑکانہ بائی پاس آ ہدایت لوہار نا جون ئے تخیسہ برانز کننگانے ، ایلو نیمہ آ تیوعہ سندھ ئٹی سندھ نا سیاسی ، چاگڑدی ، بندغی حق و راج دوست جماعت آ تا نیمہ آن سختءُ ردعمل کننگانے ۔
راج دوست آ تا دوبہءِ ہدایت لوہار ئے پاکستانی لشکر نا ڈھکوک ایجنسی تہ کارندہ آک خلکُنو ۔
