تربت کہدہ یوسف بوائز ہائی سکول ئٹی بمب تراک، ہچ وڑ ئنا جانی نسخان نا حوال اف۔
حوال تا رد ئٹ اینو سہب ئنا 8:30 آ تربت نا علاقہ آبسر ئٹی کہدہ یوسف بوائز ہائی اسکول ئٹی پولنگ اسٹیشن ئے بمب تراک ئٹ ٹک کننگا، واہم تراک ئٹ ہچو جانی نسخان نا حوال اف۔
مند بلوچ آباد ئٹی گرلز اسکول ئٹی پولنگ اسٹیشن تیا سلہہ بند بندغ آتا جلہو مس و سمکاری ہم کننگا۔
کوہلو: تمبو ٹی پولنگ سٹیشن آتیا راکٹ جلہو کننگا۔
حوال تا رد ئٹ کوہلو نا علاقہ تمبو ٹی پولنگ سٹیشن تیا راکٹ لانچرز ئٹ جلہو مس۔
شابیتی حوال تا رد ئٹ جلہو اینو سہب ئنا 7 بجہ نا وختا کوہلو نا علاقہ تمبو ٹی مس و نادرست آ سلہہ بند بندغ آتا کنڈ آن پولنگ سٹیشن آتیا میزائل جلہو مس۔
داکان بیدس کوہلو ٹی اینو اسہ پین تدینی سیٹی سنگر ہلوک سلہہ بند بندغ آک پولنگ نا عملہ ئے ٹک کریر و کیچ کونشکلات پولنگ اسٹیشن آ برانز کروکا جلہو کرسا ووٹ آتا پیتی تے ہُشار۔
