بلوچستان نا ضلع قلعہ سیف اللہ ٹی جمیعت علمائے اسلام نا گچین کاری دفتر آن پیشن تراک آن 12 بندغ کھسکُر ، اولی حوال آ تا رد ئٹ 8 بندغ ٹپی مسُنو ، ہرافتیٹی 4نا حالیت خرابءِ ۔
تراک جے یو آئی (ف) نا رہشون مولانا عبدالواسع نا گچین کاری دفتر آن خُڑک مس ، تراک ئٹی ٹپی مروک آتے ڈسٹرکٹ ہیڈکوارٹر (ڈی ایچ کیو ) ہسپتال آ دننگا ۔
پولیس نا رد ئٹ دا تراک جے یو آئی نا امیدوار مولانا عبدالواسع نا گچین کاری دفتر آن پیشن مسُنے ، تراک ئنا وخت جمیعت نا امیدوار مولانا عبدالواسع دفتر ئٹی متنے ۔
تراک آن پد پاکستانی لشکر ہمو جاگہ آ سر مس ، لیویز نا رد ئٹ تراک ئٹ مروکا نسخان آتا حوال ئے ہلنگا ۔
واضح مرے کے دا تراک آن بیرا مَنہ ساہت مُست بلوچستان نا ضلع پشین نا ہند خانوزئی آزاد امیدوار نا انتخابی دفتر آ تراک مسس، ہرانا سوب آن 17 بندغ کھسکُر و 30 آن زیات ٹپیءِ۔
