کیچ: اِرا بندغ زوراکی ئٹ بیگواہ

پاکستانی فوج و ڈیتھ اسکواڈ اِرا بندغ آتے زوراکی ئٹ بیگواہ کننگ آن پد نادُرست جاہ ئسے آ درینو ۔

حوال تا رد ئٹ بلوچستان نا ضلع کیچ ئنا جتا جتا علاقہ تیان اندا تو پاکستانی لشکر و ڈیتھ اسکواڈ نا کارندہ آک اِرا مزورتے دزگیر کننگ آن پد نادُرست جاہ ئسے آ درینو اوکان پد اوفتا ہچو حوال ئس اف۔

زوراکی ئٹ بیگواہ کننگوک آتیان اسٹءِ 12 نومبر آ پاکستانی لشکر و ڈیتھ اسکواڈ نا کارندہ آک دزگیر کرسا بیگواہ کرینو ہرانا چاہنداری نور احمد جمالی ولد ایوب کڈُان نا ہندی و 10 نومبر آ زوراکی ئٹ بیگواہ کننگوک نا چاہنداری طارق ولد آدم نا پن ئٹ مسونے۔

حوال تا رد ئٹ تومکا ورناک سیمی کاروبار تون تفوکءُ۔ نور احمد جمالی ءِ کُڈان عبداللہ آن زوراکی ئٹ بیگواہ کرینو و طارق بلوچ جیرک سیم آن زوراکی ئٹ بیگواہ کرینو۔

کیہی دے گدرینگ آن پد ہم ورنا تا بابت ئٹ ہچو حوال ئس اف۔

شونکار

شونکار|زْرمبش براہوئی

شونکار

شونکار|زْرمبش براہوئی

دلگوش کرز

زرمبش براہوئی

زْرمبش کسر آجوئی نا

زرمبش براہوئی، زرمبش شکسار نا کنڈ آن براہوئی زبان ئٹ حوال شنگ کیک۔

آسان دزرس