پنجگور نا ہند پروم و خضدار نا ہند نال آن پاکستانی لشکر مُسہ ایلم تون اوار کیہی بندغ آتے زوراکی ئٹ بیگواہ کرینو۔
حوال تا رد ئٹ 03 نومبر 2026 آ پاکستانی لشکر پروم آن مُسہ ایلم جلیل احمد، امر اللہ و نصیر احمد ولد نور اللہ ءِ تینا کیمپ آ خواہیسہ بیگواہ کرینے۔
بیگواہ کننگوک آ ایلم تا بابت ئٹ پاننگ ءُ کہ اوفتے پین ایلم ئس جاسم ولد نور اللہءِ نُہہ سال مُست پاکستانی لشکر دزگیر کرسا بیگواہ کرینے۔ دا وخت چھار ایلم پاکستانی لشکر نا زندان تیٹی بندءُ۔
ایلو نیمہ غا درو پاکستانی لشکر نال ئنا جتا جتا ہند آتا چھاپہ خلیسا کیہی بندغ آتے زوراکی ئٹ بیگواہ کرینے۔
بیگواہ کننگوک آ بندغ آتیٹی منٹ نا چاہنداری نصیر احمد، فاروق، سمیر احمد، گلشن، سالم، سلیم و نزر نا پن تیٹ مسونے ہرا نال ئنا جتا جتا جاگہ آتا تولوکءُ۔
دا بابت ئٹ ننا گیشتر پٹ و پول برجاءءِ۔
