بی آر جی نا ترجمان دوستین بلوچ میڈیا ٹی شنگ مروکو بیان ئسیٹی پارے کہ سرمچارک بلوچستان نا ضلع کچھی نا علاقہ سنی ٹی کوزہ گیر پاکستانی فوج ئنا بھلا کیمپءِ چار نیمہ غان گھیرہ کرسا جلہو کریر۔ سرمچارک کیمپءِ کوزہ کرسا 12 کارندہ تے خلکُر، خوف زدہ انگا دشمن نا ایلو کارندہ آک کیمپ آن نرار، سنی نا تیبا شار، کوزہ گیر فوج ئنا کیمپ، پولیس تھانہ و سرکاری جاگہ آک سرمچار آتا کوزہ ٹیءُ و کوزہ گیر فوج تینا خلنگ و ٹپی مروکا کارندہ تے ہیلی کاپٹر تیٹ کشانے۔
ترجمان دوستین پارے کہ جلہو نا وخت پیش قدمی کروکا کوزہ گیر فوج ئنا کیہی لاری تا قافلہءِ سرمچارک مُست آن سنگر ہلیسہ نشانہ کریر، فوج ئنا کمک کن گن شپ ہیلی کاپٹر آک بسُر ولے سرمچارک دشمنءِ پدی مننگ کن بیوس کریر۔
ترجمان دوستین بلوچ دا جلہو نا ذمہ تے ہرفسا پارے ننا دُن انگا جلہوک بلوچستان نا آجوئی اسکان برجاء مرور۔
