بلوچ نیشنل موومنٹ( بی این ایم ) نا ترجمان پارینے کہ ایمان مزاری ءُ حادی علی چُھٹہ نا دہ ، دہ سال ئنا زندان کننگ نا فیصلہ پاکستانی عدالت نا سْیاسی کارمرز ءُ بنداوی بندغی حق آتا لغت مالی ءِ ۔ بلوچستان نا زوراکی ئٹ ہلنگ آن پد پاکستان بے امن ءُ ریاست نا دروشم ئٹ فوجی طاقت ئٹ تینا قوضہ ءِ برجاء تخانے ، پاکستانی لشکر تینا وس ءُ واک ئٹ بے مھار ءِ۔
ترجمان پارے کہ عدالت دا فرمان ءِ کیک کہ ریاستی زوراکی ، ناروائی ءُ بندغی حق آتا لغت مالی نا برخلاف آ ، گچینی کن بلوچ آتا حق ئکن توار بڑز کروکا بندغ آتیکن انصاف نا جہہ آ ریاستی انتقام ہلنگ نا گواچی ءُ ۔ گدرینگوکا وخت ئٹ سبین محمود کھسفنگ مسک ءُ زوراکی ئٹ بیگواہی نا برخلاف آ ہیت کننگ نا سوب آن حامد میر نا کھسفنگ کن جلہو کننگا ۔ داسہ پاکستانی لشکر نا عدالت ، پارلیمان ، پولیس ، ایف آئی آر نا دفتر ، بار کونسل ءُ پین ریاستی ءُ نیم ریاستی ادارہ غاک تینا انتقام ہلنگ نا دروشم ءِ کارمُز کننگ ءُ۔
او پارے کہ ایمان مزاری ءُ حادی علی چُھٹہ بلوچ سْیاسی کارکُن ، زوراکی ئٹ بیگواہی تا دڑد ءِ سگوک ءُ زوراکی خنوک بندغ تا خاہوت آتا توار نا بستار ئٹ اوفتا راہ بندی نا کمک ءِ کرینو ۔ اوفتے بندی کننگ نا دا فیصلہ ہمو کُل توار تے نگیگ کننگ نا کوشست ئسے ہرا کہ ریاستی زوراکی نا مونا کاٹم آتے شیف کتنو۔
بی این ایم دا ہیت ءِ بھاز مُست کرینے و تومکا تا ساہ تا پھریز نا خواست ءِ کیک، ءُ جہانی ءُ راجی ادارہ تیان خواست کیک کہ پین سْیاسی زندانی تا بنداوی راہ بندی ءُ بندغی حق آتا پھریز کن دلجم ءُ وڑ ئسے ئٹ کاریم کننگ مرے ۔
