دُکی ٹی کوئلہ کان آن اِرا ایلم تا جون دوئی کننگانے و نال آن بندغ ئس زوراکی ئٹ بیگواہ کننگانے۔
حوال تا رد ئٹ دُکی ٹی دوئی کننگوک جون تا چاہنداری محمد حسن و ہاشم نا پن تیٹ مسونے ہرا کلی ملی عبداللہ نا ہندی ءُ و تومکا ایلم ءُ ہرافتا جون کوئلہ کان آن خننگانو۔ کہنگ نا سوب چاننگ متنے۔
ایلو نیمہ غا خضدار نا ہند نال آن ریاستی ڈیتھ اسکواڈ نا کارندہ آک بندغ ئسے زوراکی ئٹ بیگواہ کرینو۔
حوال تا رد ئٹ زوراکی ئٹ بیگواہ کننگوک آ بندغ نا چاہنداری منیر احمد ولد شریف نا پن ئٹ مسونے ہرا نال، استکلی، نا ہندی سے۔ ہرادے 02 اکتوبر 2026 ئنا سہب ئنا نُہہ بجہ غا ڈیتھ اسکواڈ نا کارندہ آک اُراغان دزگیر کرسا بیگواہ کرینو۔
