واشک نا ہند پتک ئٹی پاکستانی لشکر اراتا چھاپہ خلیسہ بلڈوزر کرینے تا۔ پنچ بندغ نا جون تے ہم بٹینے۔
حوال تا رد ئٹ فوج پتک ئٹی چھاپہ خلیسہ بندغ آتا اُراتے نسخان تریسہ زوراکی کرینے۔ اندا نیام ئٹی فوج چاکر پنی ءُ بندح ئیسنا اُرائے بلڈور کرسا نسخان تسونے۔ فوج اندا نیام ئٹی پنچ بندغ نا جون تے اُراتیٹی ہم بٹینے۔
حوال تا رد ئٹ پنچ انگا جون تیان اسٹ نا چاہنداری شکر اللہ ولد عبدالنبی نا پن ئٹ مسونے ہرا کپر نا ہندی سے۔ ہرادے دہ دے مُست فوج دزگیر کننگ آن پد بیگواہ کریسس۔ ایلو چار جون تا چاہنداری کننگ متنے داسکان۔
یات مرے کہ ہنوکا مُسہ دے آن واشک، آواران، پنجگور و جیونی آن دہ آن گیش بندغ آتا جون بٹنگانے ہرافتیٹی گیشتر جون تا چاہنداری مُست آن زوراکی ئٹ بیگواہ کننگوک آ بندغ آتا پن تیٹ مسونے ہرافتے پاکستانی لشکر و ایجنسی والاک جتا جتا وخت و جاہ تیان زوراکی ئٹ بیگواہ کرینو ۔
