گوادر نا ہند جیونی آن جتاء جتاء وخت آ زوراکی ئٹ بیگواہ کننگوک مُسہ بندغ نا جون دوئی کننگانے ۔
حوال تا رد ئٹ دوئی کننگوک جون تا چاہنداری احسان ولد محمد حسن، نادل بلوچ ولد محمد نعیم و حسن ولد رفیق نا پن تیٹ مسونے۔ احسان بلوچ گوادر نا ہند جیونی نا ہندی سے ہرادے 22 جنوری 2026 پاکستانی لشکر اونا ایلم بالاچ حسن تون دزگیر کننگ آن پد زوراکی ئٹ بیگواہ کننگاسس۔ نادل بلوچ گوادر نا ہندی سے ہرادے 19 اپریل 2026 آ بیگواہ کننگانے۔ حسن رفیق تربت نا ہندی بندغ ئسے۔
دا مسٹ انگا جونک اینو گوادر نا ہند کلدان آن دو تمانو ہرافتے پاکستانی لشکر جتاء جتاء وخت آ زوراکی ئٹ بیگواہ کرینے۔
یات مرے کہ دا اولی تدینی اف داکان مُست ہم پاکستانی لشکر و اونا سی ٹی ڈی زوراکی ئٹ بیگواہ کننگوک آ بندغ آتے خلیسا اوفتے دروغ نا مونتس تیٹ خلنگ نا دعویٰ کرینے۔
