آواران نا ہند کولواہ ٹی پاکستانی لشکر نا دو تیان زوراکی ئٹ بیگواہ کننگوک رفیق بلوچ نا خاہوت اونا آجوئی نا خواست کرسا پارے کہ رفیق بلوچ نا زوراکی ئٹ بیگواہی ءِ ہفت دے پورو مسونے داسکان اونا ہچو حوال ئس اف ۔
خاہوت پارے کہ رفیق بلوچ ولد بادین ءِ 22 و 23 اگست 2026 نا نیامیکو نن گیشکور نا ہند زیک آن شاکر بلوچ ولد عبداللہ و شاکر نا ذائیفہ تون دزگیر کرسا بیگواہ کریسُر۔ شاکر و اونا ذائیفہ استو آجو مسونو ولے رفیق داسکان بیگواہ ءِ ۔
خاہوت سرکار آن خواست کرینے کہ اگہ رفیق بلوچ آ امرو ہم دوبہ ئس ارے گُڑا اودے عدالت ئٹ پیش کننگ مرے اگہ او بے ڈوہ ءِ گڑا اودے زوت آجو کننگے ۔
خاہوت بندغی حق آتا تنظیم آتیان خواست کرینے کہ رفیق بلوچ نا آجوئی کن توار بُڑز کیر ۔
