مسٹمیکو بشخ
نوشتہ کار: خلیل بلوچ
مٹ و بدل: راسکوہ بلوچ
سخت راز دار ءُ سنگت ئس اَس، داخس وخت مخلوق ئٹی زندگی کننگ و جنز نا ہم کسر مننگ و تینا نن و دے تے جنز کِن ندر کننگ کہ او نا خاہوت نا بندغ آتے ہم سما تمِّپ۔ خڑک آن خڑک انگا سنگت آتا رئی آ داسکان راز دار مننگ، ٹیوشن سینٹر آتیٹی خوانفنگ و اسٹاف و خوانندہ غاتیان راز دار مننگ، دا عمل و کاریم ئٹ اسہ طاغتور ءُ فکر ئسے نا مالک مننگ کیک، لس بندغ نا کاریم ئس اف۔
ای اودے خواہفیٹ و سوج کریٹ ” خیر ءِ میرل نے آ چڑانے؟”
پارے "ننے پسٹل ئس ایتبو نن جنگ کینہ، ہورک انگا دو تون نن زُنڈانن کہ ارا وخت سنگت آک مش آن برور و نن اوفتے سیل کرون، دا وڑ مفک۔ یا کنے پسٹل ئس ایتبو یا کنے مش آ دبو، کم آن کم پھگہ نا دے آ ہلننگ مسُّٹ است جم مریوہ کہ ای گڑاس کرینٹ۔”
ای تینے آن وس کریٹ کہ اودے رازی کیو۔ وار ئس اودے پہہ کننگ نا جہد ئے کریٹ و وار ئس ای ٹوک خلکٹ کہ نا دوک تینٹ لڑزرہ نی پسٹل ئے امر چلائفنگ کیسہ۔ نے ریاست دپک، نے امر کیک اِرا چپلہ آن بےہوش مریسہ، ولے او تینا ہیت ئنا زی آ سلیس و پارے "گڑا کنے مش آ دبو۔”
ای ہُراٹ پین وڑ اف، گڑا ای قول تسُّٹ کہ "پارٹی ئٹی نن مُچ ذمہ وار نا پابند اُن، ولے دا کنا وعدہ ءِ پد ئنا چکر آ ای ہند آ بسُّٹ نا پسٹل ئے نا دو ٹی تِرون۔ ای اودے رخصت کریٹ، ای و میرل وتاخ نا نیمہ غا سر الکن۔
وخت ہندن گِدرینگ اَس ہند و خلق نا نیمہ غا مون تمتو، گڑا تنیا فون نا زی آ حال حوال اَس۔ دنکہ اودے دنیا نا معلومداری تُد اَس، دیر اَنت کننگ ءِ، دیر امر ءُ بندغ ئسے، ہر کس نا زی آ اونا نگاہ اَس، ولے میرل جان نا نگاہ اوڑا اَس کہ او اَنت کیک۔ ہراوخت کہ میرل نیٹورک آ سلوس واپسی ئٹ گڑا اونا اسہ قصہ ئس الم تُد اَس کہ دا رگو جگاڑ کیک اینو دُن کرینے۔
اسہ وار ئس ای نیٹورک آ ہِناٹ گڑا او دنیا نا حال ئے تِس۔ چاگڑدی ویل، سیاسی پارٹی، قبائلی جنگ و جدل مچ حال آتے تِسک، پد آ پارے "یار ثناء اللہ بسنے سخت حرامی گری کننگ ءِ۔
ای پاریٹ یار بے غم مر نا خاطر آن پسٹل ئس وڑ کرینٹ ہتیوہ تہ، نی چاس و ثناء اللہ آسک چار۔ ہندن پاسہ” اڑے ثناء اللہ زہری پاننگ ئٹ وزیر اعلی مسنے” ای گڑا سخت مخاٹ و پاریٹ، نے کلام خلپ نی ہندن پن ئے تہ پاریس ثناء اللہ ای پاریٹ بلکن ہند و شار ئٹ کس ئس دلاری بنا کرینے۔
ہندا گپ ئنا زی آ مدام ای و بارگ اودے چڑفینہ۔
شار ئٹ سنگت ئسے نا رئی آ پسٹل ئس تِخوک اَس، ای بارگ ئے تینا نیمہ غا کریٹ و میرل ئے رازی کرین کہ ہمو پسٹل ئے رگو ئے ایتن، اونا سم آک ہم بیرہ ہفت ءُ۔
ہند ئٹ کنے کاریم ئس تماسک، و اولی وار اس کہ ای تنیا اَسُٹ۔ ای سنگت آن پسٹل ئے دوئی کریٹ و اودے کلہو تِسوٹ کہ پھگہ دیگر نا کنا ڈھکوک آ جاگہ غا بر نا پسٹل کنتون تُد ءِ، ولے اسہ شڑط ئسے ئٹ ای نے ایتوٹ تہ کہ نی اسہ سُم ئس نشانہ ئے ٹِک کر خل۔
برجاء ءِ
