بلوچستان نا ضلع مستونگ ئٹی کوئٹہ کراچی نا بھلا کسر آ کھڈ کوچہ ٹی ماشاء اللہ ہوٹل نا خڑک اینو سوب ئنا پاکستانی فوج ئنا اسہ کاروان ئسے جلہو ئٹی نشانہ کننگانے۔
حوال تا رد ئٹ سلاہ بند بندغ آک فوج ئنا مُسہ لاری تا کاروان ئے نشانہ کرینو ہراٹی فوج ئے جانی نسخان ہرفوئی تمانے۔
یات مرے کہ 15 جولائی نا سوب ئنا 07 بجہ نا وخت آ سلاہ بند بندغ آک مستونگ، کھڈ کوچہ مدینہ ہوٹل نا خُڑک ناکہ بندی کرینو ہراڑے ہن ءَ بر کروکا لاری تے پٹ ءَ پول کننگانے۔ دا وخت آ سلاہ بند بندغ آک پاکستانی فوج ئنا میجر ئسینا لاری ئسے ڈرائیور تون اوار دزگیر کرسا تینتون درینو۔
ہندُن 15 جولائی آ نیمروچ نا وخت آ مستونگ کھڈ کوچہ الحسن نا ہند آ فوجی کاروان ئسے مُست آن سنگر ہلوک آ سلاہ بند بندغ آک نشانہ کرینو ہراٹی فوج ئے جانی نسخان رسینگ نا حوال ارے۔
