بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹی پارینے کہ سرمچار آک 08 جولائی 2026 آ مستونگ نا علاقہ دشت عمر ڈھور ئٹی برجاء انگا کوزہ کروک پاکستانی فوج ئنا چوکی ئسے آ جلہو کریر ہراٹی اِرا فوجی کارندہ خلنگار و کیہیک ٹپی مسُر، جاسوس کیمرہ تے ہم سرمچار آک ناکارہ کریر۔
ترجمان گہرام بلوچ پارے کہ 06 جولائی 2026 آ بی ایل ایف نا سرمچار آک کوئٹہ کراچی کسر آ خضدار نا علاقہ وڈھ ئٹی سنگری نا ہند آ سرمچار تا برخلاف پیش قدمی کروک آ کوزہ کروک پاکستانی فوج ئنا مُسہ لاری تا کاروان ئے مُست آن سنگر ہلسہ نشانہ کریر ہراٹی مُسہ کارندہ خلنگار و کیہیک ٹپی مسُر، جلہو ئٹی لاری تے ہم سخت نسخان مس۔
ترجمان مُستی پارے کہ ہندا دے 06 جولائی آ اسہ پین کارروائی ئسیٹی سرمچار آک انٹیلیجنس حوال تا بنیات آ خاران و واشک نا نیام ہُرماگے ٹی آپریشن ئس کریر۔ پن کروکا علاقہ ٹی ڈیتھ اسکواڈ نا ساڑی مننگ آ سرمچار آک خاران یکمچ سی پیک لنک کسر آ ناکہ بندی کریر۔ ہندا وخت سرمچار آک لس اُلس و مسافر لاری تیان زور ئٹ بھتہ ہلنگ ئٹی آختہ ڈیتھ اسکواڈ نا کارندہ ئسے دزگیر کریر و اونا سلاہ تے ہرفیر، ہرادے گیشتر سرسوج کن کیمپ آ دریر۔
ترجمان پارے کہ 05 جولائی 2026 آ سرمچار آک خاران نا علاقہ گواش ئٹی یکمچ سی پیک لنک کسر آ عارضی چیک پوسٹ جوڑ کرسا ناکہ بندی کریر۔ سرمچار آک مُسہ گھنٹہ اسکان ناکہ بندی ئے برجاء تخار ہن ءَ بر نا لاری تے پٹ ءَ پول کننگا۔ ہندا وخت سرمچار آک مسافر تے بی ایل ایف نا مسخت نا بارو ئٹ سوھوی تسُر و اوفتے کوزہ کروک فوج ئنا ہن ءَ بر نا کاروان تیان مُر مننگ نا ہدایت کریر۔ تینا کُل فوجی مسخت آتے ہلنگ آن پد سرمچار آک سلامتی ئٹ تینا ٹھکانہ تیا ہنار۔
ترجمان گہرام بلوچ بیان نا ایسر ئٹ پارے کہ بی ایل ایف دا کُل کارروائی تا ذمہ واری تے ہرفک و بلوچستان نا تیبہ آجوئی اسکان کوزہ کروک فوج و اونا مخبر تیا ننا جلہو آک ترندی ئٹ برجاء مرور۔
