بلوچ راجی راہشون و بلوچستان لبریشن فرنٹ نا سربراہ ڈاکٹر اللہ نذر چاگڑدی میڈیا ایکس آ تینا اسہ درشان ئسیٹی پاکستان نا بروکا الیکشن تہ بابت ئٹ نوشتہ کرسا پارے کہ بلوچ راج آن خواستءِ کہ اوفک بروکا الیکشن تیٹی بشخ ہلپس۔ ہر بلوچ پوہ کننگ مرے کہ ہندا اسمبلی یک ننا لکھ آتا کچ ئٹ بندغ آتا خلنگ، بیگواہ کننگ و درانڈیہہ کننگ و خلک آتے بلڈوزر کننگ ئٹی تُدءُ۔ دا اسمبلی تہ باسک آک تینٹ منِرہ کہ کس ئس اوفتے سوج کپک۔
بلوچ رہشون مونی پارے کہ نن خنان ہندافتا کُمک ئٹ سی پیک نا پن ئٹ گوادر بہا کننگا۔ اینو ہندانا ہفتاد ءُ پنچ فیصدئے چین و بیست ءُ پنچ فیصدئے اسلام آباد کُننگءِ۔ دا بے سُہبی تے تینٹ پارلیمان پرست آک منرہ۔ مونی دا انت کننگ کرور ، بلوچ راج تینٹ فیصلہ کے۔
