کراچی: سی ٹی ڈی نا دو آن زوراکی ئٹ بیگواہ کننگوک آ دانیال ناصر نا خاہوت تینا بیان ئٹی پارینے کہ دانیال ناصر NUML نا اسہ گریجویٹ او خوانندہ ئس ءِ ہرادے سی ٹی ڈی نا کارندہ غاک شانزدہ فروری 2026 آ کراچی ٹی NCCI اسپتال نا خُڑک آن برمتہ کرسا بیگواہ کرینو۔
خاہوت پارینے کہ اگہ ریاست نا رئی آ دانیال نا برخلاف امرو قانودی منطق ئس ارے گُڑا اودے زوت عدالت ئٹی ہتنگ مرے و قانود نا رد ئٹ کاروائی کننگ مرے۔
خاہوت پارینے کہ دانیال ناصر ڈوہدار ئس افک بلکن خوانندہ ئس ءِ، او مُخ ئنا خڷ ئنا سوب آن اسپتال آ ہنانے و ہموکان بیگواہ کننگانے۔ اونا داخہ تو اسکان بیگواہ کننگ نہ تنیا بندغی حق آتا لتاڑنگ ءِ بلکن قانود نا زی آ بھلو سوال ئس ودی کیک۔
اوفک پارینو کہ ریاست دانیال ناصر نا آجوئی کن زوت تسلی ایتے۔ اونا بابت ئٹ خاہوت ئے سرپندی ایتے و اودے عدالت ئٹی ہتنگ مرے۔ انصاف ڈھکوک آ جیل ئٹی نہ بلکن قانود نا ذریعت ئٹ تننگ مرے۔
