کراچی نا ہند کاٹھور حاجی ابراہیم گوٹھ آن پاکستانی فوج و ڈھکوک ادارہ غاک چھاپہ خلِسہ اسہ بلوچ ئسے دزگیر کننگ آن گُڈ بیگواہ کریر۔
حوال تا رد ئٹ زوراکی ئٹ بیگواہ کننگوک آ بندغ نا چائنداری پپو عرف غلام قادر نا پن ئٹ مسُنے ہرانا عمر چِل و پنچ سال ءِ۔ اِستو اودے اونا اُراغان بیگواہ کننگانے۔
اونا زوراکی ئٹ بیگواہی نا ہیت ئے خاہوت پک کرسا پارینے کہ پپو مزوری کرسا تینا خاہوت ئے ولِفینے۔ اودے پین ہچ کاریم تیتون سیالی متنے۔
خاہوت بندغی حق آتا ادارہ تیان خواست کرینے کہ اوفک پپو عرف غلام قادر نا آجوئی کن توار بُڑز کیر۔
