پاکستانی لشکر بلوچستان نا بنجائی شار شال ئنا سول اسپتال ئٹی 23 ئنا کچ جون ہیسُنے ہرافتِہ مونتس تیٹ خلنگ نا دعوی کننگانے۔ پاکستانی لشکری کوالخواک دا رد ئٹ شابیت حوال تتنو کہ دا بندغ آتِہ اراڑے خلنگ مسنے و جتا سیکورٹی ذرائع تا دعویٰ ءِ کہ پن کروک جونک […]
بلوچستان نا ضلع نوشکی آن پاکستانی لشکر نا دو آن بیگواہ کننگوک 11 بندغ نا چاہنداری مسنے ہرافتیٹ اسکول نا خوانندہ ہم اوار ءِ۔ بلوچ یکجہتی کمیٹی شابیت حوال تِہ ترِسہ پارینے کہ 16 مارچ آ سہب ئنا 10 بجہ نا وختا اسٹیشن و اونا ہیب ئہ کھیب آن پاکستانی […]
بلوچستان نا ضلع نوشکی آن پاکستانی لشکر اِرا چنک سن مار زوراکی ئٹ بیگواہی آن پد نادُرستو جاگہ ئس درینے۔ بیگواہ کننگوک آتا چاہنداری عدنان حیات و ضاء الرحمن ولد میر احمد نا پن تیٹ مسنے۔ ہڑتُما ہفتمیکو و ششمیکو جماعت نا خوانندہ ءُ۔ اوفتے درو پاکستانی لشکر ایس بی […]
بلوچستان نا ضلع نوشکی و خاران و قلات ئٹی پاکستانی لشکر نا لشکر کشی برجاء ءِ، زمینی لشکر و ہیلی کاپٹراک لشکر کشی ٹی بشخ ہلنگ ءُ۔ اینو سُہب ئنا نوشکی و خاران نا مش تیٹی پاکستانی لشکر نا کاروانک خننگانو۔ جہی حوال تِروک آتا رِد ئٹ لجے ٹی پاکستانی […]
بلوچستان نا بنجائی شار شال ئٹ استو پاکستانی لشکر کیہی اُرا تیا چھاپہ خلک، دا وختا قبائلی شخصیت ناصر قمبرانی ئے دزگیر کننگ آن گڈ بیگواہ کننگانے۔ حوال تا رد ئٹ استو دو بجہ نا وختا کلی قمبرانی ٹی پاکستانی لشکر سی ٹی ڈی و ڈھکوک ایجنسیک نیشنل پارٹی نا […]
بلوچ یکجہتی کمیٹی جھالاوان ہنکین نا پارہ غان نال ئٹی شاہ جان بلوچ نا خون، ناصر کریم بلوچ آ سُمکاری و چیئرمین زاہد بلوچ نا زوراکی ئٹ بیگواہی ئے یازدہ سال پورو مننگ نا برخلاف اسہ برانزی ریلی ئس اڈ تننگ نا پڑو کننگانے۔ بلوچ یکجہتی کمیٹی نا شنگ کننگوک […]
پنجگور آن اِرا بندغ و اسٹ کوئٹہ آن پاکستانی لشکر نا دو آن زوراکی ئٹ بیگواہ کننگانے۔ پنجگور آن حوال ءِ کہ پروم نا علاقہ آن پاکستانی لشکر فیصل پنیئو ورناس دزگیر کننگ آن گڈ بیگواہ کرینے ہراکان گڈ اونا ہچ ڈس اف۔ اندن پنجگور وشبود آن 14 مارچ آ […]
بلوچستان لبریشن فرنٹ نا ترجمان میجر گہرام بلوچ تینا بیان ئٹی پارینے کہ سرمچارک گوادر شار ئٹی کوسٹ گارڈ کیمپ ئنا بھلا دروازہ نا مون ئنا چوکی آ چغلی بمب ئٹ جلو کرسہ اِرا کارندہ ئے ٹھپی کریر، دا جلو ہمو وخت آ کننگا ہراتم کوسٹ گارڈ نا کارندہ غاک […]
نوشکی: تراک آن گڈ پاکستانی لشکر نُہہ بندغ دزگیر کننگ آن پد بیگواہ کرینے۔ شابیتی حوال تا رد ئٹ ایس بی نا یونیورسٹی، اسٹیشن نا جہہ آ پاکستانی لشکر نُہہ بندغ دزگیر کننگ آن پد بیگواہ کرینے۔ واہم بیگواہ کننگوک آتا چاہنداری دائسکان مننگ کتنے۔ یات مرے کہ اینو سہب […]
منگچر نا علاقہ خالق آباد ئٹ بنجائی کسر آ، بیگواہ کننگوک فہیم احمد و خادم علی نا خاہوت آتا برانز اینو ارٹمیکو دے ہم برجاء ءِ۔ اینو ایڈیشنل ڈپٹی کمشنرریونیو شاہنواز بلوچ نا کماشی ٹی اسسٹنٹ کمشنر منگچر ڈاکٹرعلی گل عمرانی، اسسٹنٹ کمشنرقلات آفتاب احمدلاسی، SHO قلات لیویز جان محمدلانگو، […]
