راج دوست شخصیت مُسکوہی تحصیل ناظم خضدار شمس بلوچ نا زوراکی ئٹ بیگواہی ئے اینو چانڑدہ سال پورو مس۔ شمس بلوچ ئے یک جولائی 2010 آ خضدار آن کوئٹہ آ ہِننگ آ نیام غنڈی چیک پوسٹ آن ہموخت زوراکی ئٹ بیگواہی نا گواچی کریر اَراوخت او تینا لُمہ ئے علاج […]
آواران: پاکستانی لشکر اُرا اُرائے پٹنگ، بندغ آتیا بیدادی کننگ آن بیدس اَسہ بندغ ئسے برمتہ کریسہ بیگواہ کریر۔ حوال آتا رد ئٹ پاکستانی لشکر اینو سُہب ئنا آواران نا ہند کولواہ چیری مالار و کرک ئنا جتاء جتاء اُراتے پٹنگ نا وخت بندغ آتیا بیدادی نا نشانہ کننگ آن […]
حب ئنا ہند مائی گڑھی نا خُڑک اِرا بندغ بُڈینگیسہ بیران مس۔ حوال آتا رد ئٹ حب چوکی مائی گڑھی نا خُڑک دیر ئٹی سلنگ نا وخت اِرا بندغ سلمان ولد خالد بخش و علی ولد جاوید بڈینگیسہ بیران مسُر، ارا کراچی نا ہند سہراب گوٹ نا ہندیءُ۔ تدینی آن […]
شہدائے میہی، مشکے 30 جون 2015 آ قوضہ گیر پاکستانی لشکر نا بےدادی تا برخلاف ہرا وڑ مزاحمت و جرت نا درشانی ئے کرے او تاریخ نا پنہ غاتا خیسُن آ لوز آتے ئٹ یاد کننگ مروئے۔ شہد آتا دا وڑ ئنا قربانی تا بدولت اینو بلوچستان نا کنڈ کنڈ […]
تربت آن اسہ پین ورنا سے پاکستانی فوج ہلکنے و بیگواہ کرینے، ہندن شار ئٹی ہنوکا پانزدہ دے آن بیگواہ بندغاتا خاہوت آک دھرنا تننگ ئٹی ءُ۔ او تینا بندغاتا آجوئی کن پھگہ یک جولائی آ ہڑتال نا پارینُہ، ہرانا بلوچ یکجہتی کمیٹی حمایت نا پڑو کرینے ۔ زیارت بازار […]
کراچی پریس کلب ئٹی پریس کانفرنس کرسہ بلوچ خوانندہ آک خوانندہ بہادر بشیر نا آجوئی نا خواست کریر پاریر کہ بلوچستان ٹی زور ئٹ بیگواہیک ہڑدے ودّسہ بریرہ ہرافتا غُٹ آن زیات ورنا و خوانندہ آک گواچی مریرہ۔ بلوچستان ٹی دہنو دے کم گدرینگک کہ خوانندہ آتِہ ہفپس و ریاستی […]
بلوچستان نا ضلع کیچ ئنا بھلو شہر تربت ئٹی سامان ڈور اسہ جون ئس خننگا۔ پولیس ہمو جاگہ سر مرسا جون ئے دوئی کرے۔ جون ئنا پجار ساجد بلوچ نا پن ئٹ مسونے، ساجد ملک آباد نا ہندی سے۔ ہندی حوال آتا رد ئٹ ساجد نا ذہنی توازن جوان متنے، […]
تُربَت : کیچ ڈی سی دفتر نا مونا زوراکی ئٹ بیگواہ آ بندغ آتا خاہوت آتا برانزی گِدان ئے سیزدہ دے پورو مس انگا برجاء ءِ ۔ برانز ئٹی چُنا، کماش تہ اواری ئٹ بلوچ یکجہتی کمیٹی نا راہشون آک ہم ساڑی ءُ۔ برانزی گِدان نا جاگہ آ زوراکی ئٹ […]
بلوچستان ٹی کانگو وائرس آن اِرا ناجوڑو دنیا ئے الّار ہندن مسٹ بھاز تکلیف ءُ و پین چھار ناجوڑو نا پِن بسّنے۔ شال ئٹی کانگو وائرس آن اسہ نیاڑی سے تون اوار اِرا بندغ دنیا آن ہِنار، ساہ تروکاتیٹی قلعہ سیف اللہ آن بی بی عائشہ و غوث آباد شال […]
پنجگور ئٹی سلاہ بند بندغ آتا سُم کاری آن اسہ بندغ ئس بیران و اسہ چُناس ٹپی۔، سُم کاری نا تدینی پنجگور نا ہند خدابادان ئٹی مسُنے ـسُم کاری آن بیران مروکا بندغ نا پجار حمل نزر نا پن ئٹ مسُنے۔ ـ ہندی حوال آتا رد ئٹ بیران مروکا بندغ […]
