بی ایل اے نا ترجمان جیئند بلوچ میڈیا شنگ کروک تینا بیان ئٹی پارے کہ سرمچارک مستونگ و پنجگور ئٹی اِرا جتا جلہو تیٹی کوزہ گیر لشکر ئے آئی ای ڈی جلہو ئٹی نشانہ کریر و دزگیر کروکا کارندہ ئے خلکر۔
ترجمان پارے کہ سرمچارک مستونگ نا علاقہ مرو کنڈ نا ہند آ کوزہ گیر پاکستانی فوج ئنا بمب ڈسپوزل ٹیم ئنا پند آ ہنوکا کارندہ تے ہمو وخت ریموٹ کنٹرول آئی ای ڈی جلہو ئٹی نشانہ کریر ہراتم او کسر نا صاف کننگ ئٹ اختہ اسر تراک ئٹی فوج ئنا مُسہ کارندہ ہمو جاگہ خلنگا۔
ترجمان مُستی پارے کہ سرمچارک سئے شمبے نا دے کوزہ گیر فوج ئنا کارندہ دودا خان ولد دین محمد وشبود، پنجگور نا ہندی ئے پاردان نا ہند آ ہمو وخت دزگیر کریر ہراتم او مخبری کن علاقہ ٹی گشت کننگ اسک۔
او پارے کہ دودا خان آن پٹ و پول نا وخت کوزہ لشکر فوج ئنا سروس کارڈ تون اوار ٹریکنگ چِپ دو تما۔ پن کروکا کارندہ امنّا کرے کہ او کیہی وخت آن دروشم بدل کرسہ کوزہ گیر لشکر کن مخبری کننگ اسک۔ کارندہ امنا کرے کہ اودے ٹریکنگ چِپ علاقہ ٹی دننگ نا ٹاسک تننگاسس ولے اودے کسر آ دزگیر کریر۔
ترجمان پارے کہ کوزہ گیر فوج ئنا کارندہ دودا خان امنا کرے کہ او لشکر تون لشکر کشی تیٹی تُد اسک او اُراتے ہُشنگ و ورناتے زوراکی ئٹ بیگواہ کننگ نا ڈوھ تیٹی تُد اسک۔
بیان نا ایسر ئٹ پاننگا کہ بی ایل اے نا سرمچارک کوزہ گیر فوج ئنا کارندہ ئے پاردان نا علاقہ ٹی خلکُر۔
