کیچ ئنا ہند بالگتر و بلیدہ ٹی پاکستانی لشکر ئے جلہو تیٹ ٹِک کننگانے۔
حوال تا رد ئٹ اینو نیمروچ آ بلیدہ نا ہند زیردان ئٹی سلاہ بند بندغ آک پاکستانی لشکر نا کارندک تے ہمو وخت جلہو ئٹ ٹِک کرینو ہراتم او کاروان نا رکھِنگ کن گشت کننگ ئٹی مسنو۔ جلہو ئٹی لشکر ئے جانی نسخان رسینگانے۔
ایلو نیمہ غا اینو سُہب ئنا دہ بجہ غا سلاہ بند بندغ آک بالگتر آسانک کنڈگ آ پاکستانی لشکر نا کاروان نا رکھِنگ کن سلوک کارندہ تیا جلہو کرینو ہراٹی لشکر ئے جانی نسخان ہرفوئی تمانے۔
جلہو آن پد پاکستانی لشکر چیر گڈگی ٹی آپریشن کرسا اُراتے پٹ و پول کرینے۔
دائسکان تومکا جلہو تا ذمہ واری تے ہچو تنظیم ئس ہرفتنے۔
