پاکستانی فوج درو کیچ ئنا علاقہ تجابان ئٹی فوجی کاروائی کرسا پنچ زالبول تیتون 12 بندغ ئے دزگیر کرسا تینا کیمپ آ درے۔
حوال تا رد ئٹ بیگواہ کننگوک آ زالبول آتا چائنداری بی بی ہاتک، نور بی بی، فرزانہ، میمل و شربانو نا پن تیئٹ مسنے۔
دا زالبول آتے پاکستانی لشکر ہمو وخت آ دزگیر کرے، ہراتم اوفک زیارت آن واپس بننگ ئٹی اسُر۔
خنوک آتا رد ئٹ پاکستانی لشکر درو تجابان نا سنگ آباد نا مش تیٹ فوجی کاروائی کرینے و ہندا وخت ہیلی کاپٹر و ڈرون آک ہم گشت ہم کرینو۔
داسکان بیگواہ کننگوک آتا بابت ئٹ ہچو حوال ئس اف۔
